08

La conta dou fantome dou laque
On zor, den lo 1606, on sassioou de La     Tchouiille, Pantaleon d'Ottin, l'a avù l'ensarzo d'alléi cdntroléi lo nivò de l'éive dou laque. L'é partì é lo Ion dou semeun l'a vu chaillì éira livra blanse. L'a to de chuite prèi lo fujì e l'a terià. L'a biccaye, l'a reprovà, méi ren a féire.
La livra l'a contcherù a lèi scappéi de devàn e prosso dou laque, ch'é catchaye den éira boma é l'é paméi chaillaye.
Pantaléon, l'a tappà ià lo fujì. Apréi, l'é dechendù aper dou laque véire lo nivó de l'éive é l'a beuttà éira remarca.
Dèi chèn l'a prèi éira mochà é ch'é endrumì.
Can ch'é reveillà l'è tomà controléi lo nivó dou laque, l'éive l'irre poyaye d'on dèi.
To pe on momàn ch'é chentù queriéi l'a cougnù la vouéiche d'inr amì sassioou mor l'é za lontèn.Ch'é verià é l'a vu inr ommo tastà dechù on bèrio, verià ver lo laque. Pantaléon tremblave commènéeira foille.



Lo fantome Il'a demandà de féire éira comechón a cha fameuille é a propoou dou laque ll'a baillà lo conchèi de féire costrouire éira sapalla a Chen Grat é tcheu le-j-àn chélébréi éira mècha en demandèn la grase que Ii laque debordèye paméi. LI'a itó deutte de paméi teryì a gnéire béissie.
Pantaléon chouéije a groouche gotte, arrevà a méijón ch'é beuttà a la cousse avouéi la fivra. Carque zor apréi l'a fatte la comechón a la fameuille é l'é allà féire la conta a renquerà.
L'a du zeréi de deure la veretà é l'a du chignéi éira declarachón, devàn on notéiro é on sanouéino. Carque zor apréi l'an comenchà a costrouire la sapalla é apréi tcheu le-j-àn féijón la prochechón. Enchouite lo laque l'a paméi debordà péqué ch'é fatte inr atro corche.




08