Michel dij Bonavé             Bon Natal e Bon Ann a Tuti !  
             (dij barbisin ëd Gambabòsch)

			VARDAND ËL CEL	Guardando il cielo
			Na tèila nèira foratà: la neuit ëd Natal, am sotra con pensé creus d’inmensità ch’a m’ampinisso dë sparm geilà.	Una tela nera bucherellata: la notte di Natale,   mi seppellisce con pensieri profondi d’immensità   che mi riempiono d’ansia gelata.
			Anciarm e afr ch’a van sotbrassëtta, bësson ëd la vita tuta  mai separà,	Incanto e spavento che vanno a braccetto, gemelli di tutta la vita  mai separati,
			am vòlo dantorn con bindej dj’arcòrd ch’i l’hai gòj d’antërsé a fé cocarda për na festa ’d gala sla vnùa dël Bambin.	mi volano attorno con i nastri dei ricordi  che ho gioia di intrecciare a fare coccarda  per una festa di gala sulla venuta del Bambino.
			Sguard ch’a susta stèila pnassùa vardand lassù ’ndoa lë sclint, për boneur, l’é nen antamnà da nòstri pecà bondos.	Sguardo che aspetta una stella con la coda guardando lassù dove la limpidezza, per fortuna,  non è contaminata dai nostri peccati abbondanti.
			Veuj ciadlé mè cheur al moment soasì ëd ciòca ch’a son-a baudëtta ’d nassensa;  veuj o vorerìa?	Voglio preparare il mio cuore al momento eccellente della campana che suona a festa per la nascita; voglio o vorrei?
			Etern bautié d’onda ’nchieta o rispòsta ch’i vad sercand pistand la fiòca pura, mia seur fidela ’nt sa neuit ëscura.	Eterno oscillare dell’onda inquieta o risposta che vado cercando calpestando la neve pura mia sorella fedele in questa notte scura.
			Slargo la man ant la mesaneuit Santa për strenz-ne tante sla carzà dla bin e col soris che da la cun-a a spantia	Allargo la mano nella mezzanotte Santa per stringerne tante sul percorso del bene e quel sorriso che dalla culla espande
			sël mond na neuva speransa ’d pas, sleiva d’un bòt tuta la gramissia van-a con ij giasson ëd l’indiferensa uman-a.	sul mondo una nuova speranza di pace scioglie all’improvviso tutta la cattiveria inutile con i ghiaccioli dell’indifferenza umana.