lamadunenna

Quínto Ferèri (Quinto Ferrari)	Audio O.L.cliquè qué Video O.L. cliquè qué

La madunéṅna dal Båurg San Pîr	La madonnina del Borgo San Pietro
In fånnd al Båurg San Pîr i êra una vôlta, bèla cme l paradîṡ, una ciṡéṅna e al sô teṡôr pió rèr, la madunéṅna, Båurg e Pradèl s al stèven a litighèr. Dåu vèci strè, dû nómm, la dîṡ la stòria, ch’i an guadagnè coi póggn un pôc ed glòria, sänpr ed dé o d nòt l êra un quarantòt, discusiån, ufaiṡ e un frâc ed bòt. Båurg San Pîr, Pradèl, dåu strè rivèl ch’i s litighèven sänper la madòna, l êra un caranvèl, con zêrti lòt che a racuntèrli adès la m pèr na fôla: däl vôlt quand i s fèven mèl äl bòt seguitèven anc al ṡbdèl - Båurg San Pîr, Pradèl, dåu strè rivèl ch’i andèvn in procesiån col matarèl! Al dé d incû però l’é un’ètra côṡa, pió par la madunéṅna inción litîga. Anc la ciṡéṅna n é pió qualla antîga, tótt é canbiè, uṡànz, mentalitè. Pûr s’as sént dîr l’é nòstra la madòna, as vadd quèlc vciarlén strichères avṡén la nôna, di bî ténp indrî i an la nostalgî di bî ân che ormâi i én vulè vî. Båurg San Pîr, Pradèl, dåu strè rivèl... In fånnd al Båurg San Pîr i êra una vôlta, bèla cme l paradîṡ, una ciṡéṅna...	In fondo al Borgo San Pietro c'era una volta, bella come il paradiso, una chiesetta e il suo tesoro più raro, la madonnina, il Borgo e il Pratello se lo contendevano. Due vecchie strade, due nomi, dice la storia, che hanno guadagnato coi pugni un po' di gloria, notte e giorno era un quarantotto, discussioni, offese e un sacco di botte. Borgo San Pietro, Pratello, due strade rivali che si litigavano sempre la madonna, era un carnevale, con lotte che a raccontarle adesso sembra una frottola: a volte, quando si facevano male, le botte continuavano anche all'ospedale - Borgo San Pietro, Pratello, due strade rivali che andavano in processione col matterello! Oggi però è un'altra cosa, per la madonnina non litiga più nessuno. Anche la chiesetta non è più quella antica, tutto è cambiato: usanze, mentalità. Anche se si sente dire "è nostra la madonna", e si vede qualche vecchietto stringersi vicino alla nonna [sua moglie]: hanno nostalgia dei bei tempi indietro, dei begli anni ormai volati via. Borgo San Pietro, Pratello, due strade rivali... In fondo al Borgo San Pietro c'era una volta, bella come il paradiso, una chiesetta...