 |
Ean
pròppio di batozi, e no l’ea da mâvegiase se quarche
vòtta àn quintou de pigiase ‘na scciupetâ
dòppo unn-a de seu mascarsonaie! Ancheu tutte e vòtte o
l’é ‘n ravaxo che no ve diggo. E gente giastemman perché
no passa d’outobi, in te caze en tutti co-o moro atacou a-a televixon
pe sentî e previxoin (che no l’incoccian ma manco a pagali), in
tæra se forma in gran paciugo (mæ mesiavo o ghe diva
“bregnisco”) de neie, bratta, sâ, sòtte de chen, e comme
s’a no fise asæ no de ræo sotta ti ghe treuvi un de quelli
belli lastroin de giassa che te fan fâ de quelli xeui che te
mandan drito a l’uspiâ. Ma pe çerte cöse no
l’é cangiou pròppio ninte. Savesci l’invexendo de niatri
zoeni apenn-a vedemmo cazze i primmi fiòcchi, e comme se
preghemmo che o giorno apreuvo ghe ne segge mai tanta da serâ e
scheue, perché a Zena a neie a l’é na meza
gimichîa! Pûtròppo o ciù de vòtte e
scheue arestan belle averte, perché sciben che tutti mogognan
contra o scindico pe comme so-inandiæ e stradde, no passa
goæi che torna tutto bello netto, levou che in ti quartê
ciù inbricæ. Anche i ciù picin en senpre i
mæximi: basta dötrei citti in scî teiti de machine e
zu balle de neie! |
Erano proprio dei
monelli, e non c’era da stupirsi se qualche volta hanno rischiato di
prendersi una fucilata dopo una delle loro bravate! Oggi tutte le volte
è un caos indicibile. La gente impreca perché non passano
autobus, nelle case sono tutti con la faccia attaccata al televisore
per sentire le previsioni (che non azzeccano neanche a pagarli), in
terra si forma un gran pasticcio (mio nonno lo chiamava “bregnisco”) di
neve, fango, sale, escrementi dei cani, e come se non bastasse non di
rado sotto trovi uno di quei bei lastroni di ghiaccio che ti fanno fare
certi voli che ti mandano direttamente all’ospedale. Ma per certi versi
non è cambiato proprio niente. Sapeste l’entusiasmo di noi
giovani appena vediamo cadere i primi fiocchi, e come preghiamo che
l’indomani ce ne sia così tanta da chiudere le scuole,
perché a Genova la neve è un mezzo miracolo! Purtroppo la
maggior parte delle volte le scuole restano belle aperte, perché
nonostante tutti si lamentino contro il sindaco per come sono conciate
le strade, non passa molto tempo che torna tutto pulito, tranne nei
quartieri più in altura. Anche i più piccoli sono sempre
gli stessi: bastano due o tre centimetri sopra i tetti delle macchine e
giù palle di neve!
|
St’anno chì no posso
dî ch’o segge stæto ‘n inverno goæi freido, armeno
po-u momento. Chì i vegi contan che o tenpo o no l’é
ciù quello de ‘na vòtta… A-i seu tenpi neiava de longo,
magara meno de sovente, ma ne vegniva de ciù… Mæ
poæ, prezenpio, o me diva che quande neiava ben ben liatri
bardasciammi se demoavan a bolase zu da-e miage, anche quelle in pitin
ciù erte.
|
Quest’anno non posso dire che sia
stato un inverno molto freddo, almeno per ora. Qua gli anziani
raccontano che il tempo non è più quello di una volta… Ai
loro tempi nevicava sempre, magari meno spesso, ma ne veniva di
più… Mio padre, per esempio, mi diceva che quando nevicava
intensamente loro ragazzini si divertivano a tuffarsi giù dai
muri, anche quelli un po’ più alti.
|
Gh’é
finn-a
de
quelli che tian feua o slitin e se caccian zu a
ronpicòllo pe-e creuze tanto gianche da no vedde manco
ciù a pasea. Mi m’acòrzo che a-a giornâ d’ancheu en
tutti a rangognâ pe qualonque cösa, ma ‘na vòtta, che
no gh’ea de machine e de ninte, e l’ea za tanto se ti gh’aivi in
mû pe fâ’n stramuo, e gente se sciâtavan de meno e
saivan aprexâ de ciù e belesse da natua. |
Ci
sono perfino alcuni che tirano fuori lo slittino e si buttano
giù a rotta di collo per le mulattiere tanto innevate che non si
vede neanche più la passiera. Io mi
accorgo che al giorno d’oggi tutti brontolano per qualsiasi cosa, ma
una volta, che non c’erano macchine e nient’altro, ed era già
tanto se avevi un mulo per fare un trasloco, la gente si agitava di
meno e sapeva apprezzare di più le bellezze della natura |
