 |
 |
 |
|
|
|
| 06
Viage dle “Gussulin-e” dai Giassé a la Pian-a
A le Eve Püre e Generuse ch’ a giütu nostra Vita |
 audio |
|
| Quandi
’l prim Sul dël mèis d’ Avril
a fà splende la Fioca sle bianche Muntagne ch’ a fan curun-a a nost Piemunt, a cuminsa a slinguesse pian pian la giassa ’d l’ invern lassü sü ’j Giassé. |
||
| Tante
Gussulin-e d’ eva ciàira e püra
a s’ archeuju festuse tra le prime perëtte, peui as dàn da man e a cominsu a cure, prima poche e ’n poch silensiuse, peui sempre pì tante, pì nümeruse. |
||
| Sempe
pì alegre, sempe pì canterin-e,
cul fil d’ eva püra ch’a seurt da la giassa adess a l’ é ’n Rigagnul ch’a canta sua vita e ’n poch pì a bass a furma già ’n cit Rian: e sì la cansun a diventa pì sclin-a e pì alegra. |
||
| A
passu, tüte ’nsema, an mes a le pere sculpìe
da le Eve ch’ a sun scurìe ant ij secuj passà, an mes a le Fiur ch’ a suridu al Sul da le Rive; e tra ’l vërd ëd le feuje e l’ erbëtta nuvela na Bestiola ’s dësvìa e a seurt da la Tan-a. |
||
| Cule
Gusse d’ eva püra sgurgà dai Giassé,
adess a s’ ambrassu alegre a miliun, a curu, a sautu, a gieugu, a fan gabriole, as campu giü ant le prime cite Cascà e a cantu, tüte ansema, sempe pì fort. Antant da drita e da snistra, an mes ai Rivass, àutri Rian a s’ ancuntru e s’ ambrassu; adess le gusse a sun parèj tante, ch’ as cunossu pa pì, a furmu d’ unde ch’a lüsu e risplendu ’d mila culur, rifletend ël vërd ëd le Rive, l’ or dël Sul e l’ azür dël Cel. |
||
|
Tüti ’j Turent, surtend ugnün da sua Val, a cumpagnu sue eve vers nost “Gran Fiüm”, ch’ a ven giü dal Munvis e, cume na benedissiun, a porta so agiüt, traversand dasiant la Pian-a, a sua Gent, a sua Tèra, a sue Sità e a sua Campagna che
suta ’l Sul d’ Avril as trasfurma an cul grand
|
||
| Për
custe eve, püre e generuse, ch’a passu e a van vers ël
Mar,
ringrassiuma Nusgnur, nostre Muntagne e... ’l Piemunt, nostra “Tèra Mare”. |